|
«Мушриклар Хандақда қуршовга олишди ва мусулмонлар Аллоҳ Таоло: «Ана ўша жойда мўминлар (яна бир бор) имтиҳон қилиндилар ва (бу даҳшатдан) қаттиқ ларзага тушдилар» [Аҳзоб: 11] деб айтганидек балога тушиб қолдилар. Росулуллоҳ с.а.в. Уяйна ибн Ҳиснга элчи юбориб ундан ўзининг одамлари билан қайтиб кетишни талаб қилиб, бунинг эвазига унга ҳар йили Мадина меваларидан учдан бирини беришини маълум қилдилар, Уяйна бунга рози бўлмай меваларнинг ярми берилишини талаб қилди. Унинг элчилари Росулуллоҳ с.а.в. ҳузурида сулҳни ёзиш учун келишгач ансорлар саййидлари Саъд ибн Муоз ва Саъд ибн Убода р.а. туриб: «ё Росулуллоҳ, агар бу ваҳийдан бўлса сизга буюрилган нарсани қилишда давом этинг, агар бу ўз раъйингиз бўлса, шуни айтмоқчимизки, биз ҳам, улар ҳам жоҳилиятда эдик, бизнинг ҳам, уларнинг ҳам дини йўқ эди. Улар Мадина меваларига таъма қилишолмасди. Уларни фақат сотиб ёки меҳмондорчилик юзасидан олишарди. Аллоҳ бизни дин билан азиз қилиб, бизга ўз Росулини юборган пайтда паст кетиб уларга берамизми? Уларга қилич (зарбаси)нигина берамиз», дейишди. Росулуллоҳ с.а.в.: мен арабларнинг ҳаммаси бир бўлиб сизларга қарши урушаётганини кўриб уларни сизлардан бурмоқчи бўлдим. Энди агар бундан бош тортсангиз улар билан қандай муомала қилиш сизларнинг ихтиёрингизда, дедилар. Элчиларга: кетаверинглар, сизларга қилич (зарбаси)дан бошқа ҳеч нарса бермаймиз, дедилар». Демак бу ҳадис Росулуллоҳ с.а.в.нинг дастлаб мусулмонлар заифлигини сезган пайтда сулҳга мойил бўлганларига далолат қиляпти. Пайғамбаримиз Саъд ибн Муоз ва Саъд ибн Убода р.а. айтган сўзлар сабабли мусулмонларда қувватни кўрган пайтда бундан бош тортдилар. Демак бу ҳадис зарар хавфи туғилган пайтда кофирлар билан шартнома тузиб уларга маълум миқдордаги молни тўлашнинг зарари йўқлигига далолат қилади. Бунга сабаб шуки, чунки агар кофирлар мусулмонлар устидан ғолиб бўлишадиган бўлса, ҳамма молларини тортиб олишади ва мусулмонларнинг зурриётларини банди қилиб олишади. Шу боис мусулмонларнинг зурриётлари ва мол-мулклари саломат қолиши учун баъзи бир молни тўлаш енгилроқ ва фойдалироқдир.
280-бет
Бетлар: 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426 427 428 429 430 431 432 433 434